विश्व खबर 
काठमाडौं– विश्वकप फुटबलमा स्वीडेनले विजयी सुरुआत गरेको छ ।
अमेरिकामा सोमबार भएको खेलमा स्वीडेनले ट्युनिसियालाई ५–१ गोलअन्तरले पराजित गर्यो ।
स्वीडेनका लागि यासिन आएरीले ७औँ मिनेटमा गोल गर्दै खाता खोलेका थिए भने अलेक्जान्डर इजाकले २८ औँ मिनेटमा अग्रता दोब्बर बनाए ।
ट्युनिसियाका ओमार रेकिकले ४२औँ मिनेटमा एक गोल फर्काए पनि दोस्रो हाफमा स्वीडेन हावी बन्यो ।
भिक्टर ग्योकरेस, म्याटियास स्वानबर्ग र यासिनले थप गोल गरेपछि स्वीडेनले ५–१ को प्रभावशाली जित निकाल्यो ।
जितसँगै स्वीडेनले महत्वपूर्ण तीन अंक बटुल्यो ।
यसअघि समूह ‘ई’मा जर्मनीले क्युरासाओलाई ७–१ ले हराएको थियो ।
अन्य खेलमा जापान र नेदरल्यान्ड्स २–२ को बराबरीमा रोकिँदा आइभरी कोस्टले इक्वेडरलाई १–० ले पराजित गर्यो ।
प्रतिक्रिया दिनुहोस्
