विश्व खबर 
काठमाडौं– साताको चौथो कारोबार दिन बिहीबार नेपाल स्टक एक्सचेञ्ज (नेप्से) परिसूचक १३.४६ अंकले घटेर २,७६६.७८ विन्दुमा झरेको छ।
आज ६३ कम्पनीको सेयर मूल्य बढ्दा १९८ कम्पनीको मूल्य घटेको छ भने ८ कम्पनीको मूल्य स्थिर रहेको छ। कुल कारोबार रकम ४ अर्ब ७० करोड रुपैयाँमा सीमित भएको छ, जुन अघिल्लो दिनको ५ अर्ब ७३ करोड रुपैयाँभन्दा कम हो।
म्युचुअल फण्ड बाहेक सबै उपसमूहका सूचक घटेका छन्।
व्यापार समूह सबैभन्दा बढी १.७१ प्रतिशतले ओरालो लाग्दा होटल तथा पर्यटन १.०७ प्रतिशत र निर्जीवन बीमा समूह १.२० प्रतिशतले घटेका छन्।
कालिञ्चोक हाइड्रोपावरको सेयर मूल्य सबैभन्दा धेरै १४.९९ प्रतिशतले बढेको छ।
त्यस्तै न्यादी हाइड्रोपावर ९.१६ प्रतिशत र सेन्ट्रल फाइनान्स ४.७८ प्रतिशतले उकालो लागेको छ।
यता विजय लघुवित्तको सेयर मूल्य ४.६९ प्रतिशत र भगवती हाइड्रोपावरको ४.२७ प्रतिशतले घटेको छ।
कारोबार रकमका आधारमा एभरेस्ट बैंक डिबेन्चर २०८६ अग्रस्थानमा रह्यो।
यसको १४ करोड रुपैयाँ बराबरको कारोबार हुँदा आँखुखोला जलविद्युत्को ३२ करोड, सेन्ट्रल फाइनान्सको १८ करोड र नेपाल पुनर्बीमा कम्पनीको १७ करोड रुपैयाँ बराबरको सेयर किनबेच भएको छ।
