विश्व खबर 
काठमाडाैं- नेपाली बजारमा मंगलबार सुनको मूल्य बढेकाे छ । गएको आइतबार तोलामा २० हजार रुपैयाँ भन्दा धेरै बढेको सुनको मूल्य आज पनि बढेको हो ।
सुनको मूल्य आज तोलामा चारसय रुपैयाँ बढेर ३ लाख ११ हजार ३ सय पुगेको नेपाल सुनचाँदी व्यवसायी महासंघले जनाएको छ ।
नेपाली बजारमा सुनको यो मूल्य हालसम्मकै सबैभन्दा उच्च हो। हिजो सुनको मूल्य तोलमा २ सय रुपैयाँ घटेर ३ लाख १० हजार ९ सय रुपैयाँमा झरेको थियो।
आज चाँदीको मूल्य पनि तोलामा ५० रुपैयाँ बढेर ५ हजार ४०५ रुपैयाँ पुगेको छ। हिजो चाँदीको मूल्य तोलाको ५ हजार ३५५ रुपैयाँ पुगेको थियो।
त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।
प्रतिक्रिया दिनुहोस्
