विश्व खबर 
काठमाडौं– आईपीएलको पहिलो क्वालिफायरमा आज रोयल च्यालेन्जर्स बैंग्लुरु र गुजरात टाइटन्स भिड्दैछन् ।
धर्मशालास्थित हिमाञ्चल प्रदेश क्रिकेट एसोसियसन स्टेडियममा हुने खेल साँझ पौने ८ बजे सुरु हुनेछ ।
अंक तालिकाको शीर्ष स्थानमा रहेको बैंग्लुरु र दोस्रो स्थानको गुजरात फाइनल पुग्ने लक्ष्यसहित मैदान उत्रँदैछन् ।
खेलको विजेताले सिधै फाइनलमा स्थान बनाउनेछ भने पराजित टोलीले दोस्रो क्वालिफायर खेल्नुपर्नेछ ।
दुवै टोली जारी सिजन उत्कृष्ट लयमा छन् ।
विराट कोहलीको शानदार प्रदर्शनले उत्साहित बैंग्लुरु उपाधि नजिक पुग्न चाहन्छ भने शुभमन गिल, जस बटलर र राशिद खानको उत्कृष्ट प्रदर्शनमा गुजरात पनि फाइनल यात्रा तय गर्ने तयारीमा छ ।
बैंग्लुरु र गुजरात दुवैले १४ खेलबाट १८ अंक जोडेका छन् ।
राम्रो नेट रनरेटका आधारमा बैंग्लुरु शीर्षस्थानमा रहँदा गुजरात दोस्रो स्थानमा छ ।
प्रतिक्रिया दिनुहोस्
