विश्व खबर 
काठमाडौं– अघिल्लो कारोबार दिन २७ अंकले बढेको सेयर बजार मंगलबार भने ९.२४ अंकले घटेको छ ।
यससँगै नेप्से परिसूचक २७७७ अंकमा झरेको छ ।
कारोबार रकम पनि घटेर ४ अर्ब ८५ करोड रुपैयाँमा सीमित भएको छ ।
आज ६९ कम्पनीको सेयर मूल्य बढ्दा १९० कम्पनीको घट्यो भने ११ कम्पनी स्थिर रहे ।
निर्जीवन बीमा समूह ०.३५ प्रतिशतले बढ्दा अन्य सबै समूह घटेका छन् ।
कालिन्चोक हाइड्रोपावरको सेयर मूल्य सबैभन्दा धेरै ९.२३ प्रतिशतले बढ्यो ।
कुथेली बुखरी स्मल हाइड्रोपावर, त्रिशूली जलविद्युत् कम्पनी, सिर्जनशील लघुवित्त र नेपाल रिपब्लिक मिडियाको मूल्य पनि उल्लेख्य बढ्यो ।
यता सुपर खुदी हाइड्रोपावर, ग्रिन डेभलपमेन्ट बैंक, आत्मनिर्भर लघुवित्त र एनआईसी एसिया बैंकको सेयर मूल्यमा गिरावट देखियो ।
कारोबार रकमका आधारमा आँखुखोला जलविद्युत् कम्पनी, रिडी पावर, साहस ऊर्जा, ङादी पावर र अपी पावर अगाडि रहे ।
