विश्व खबर 
काठमाडौं– देशको कुल बेरुजु ७ खर्ब ५५ अर्ब रुपैयाँ पुगेको छ ।
महालेखा परीक्षकको कार्यालयले शुक्रबार राष्ट्रपति समक्ष पेस गरेको वार्षिक प्रतिवेदनअनुसार आर्थिक वर्ष २०८१/८२ सम्म बेरुजु साढे ७ खर्ब रुपैयाँ नाघेको हो ।
महालेखा परीक्षक तोयम रायाका अनुसार यस वर्ष ९४ खर्ब ८४ अर्ब ४० करोड रुपैयाँ बराबरको लेखापरीक्षण गरिएको थियो ।
भदौ २३ र २४ गते भएको जेनजी आन्दोलनका कारण १७९ कार्यालय तथा निकायले कागजात र विवरण पेस नगर्दा १ खर्ब ४७ अर्ब ९० करोड रुपैयाँ बराबरको लेखापरीक्षण हुन सकेन ।
कानुनअनुसार प्रक्रिया पूरा नगरी गरिएको कारोबार, हिसाब नराखिएको रकम तथा अनियमित ढंगले गरिएको आर्थिक कारोबारलाई बेरुजु मानिने प्रतिवेदनमा उल्लेख छ ।
प्रतिक्रिया दिनुहोस्
