विश्व खबर 
काठमाडौं– आइतबार सुनको भाउ एकैदिन तोलामा १२ हजार ५ सय रुपैयाँ घटेको छ ।
नेपाल सुन–चाँदी व्यवसायी महासंघका अनुसार सुनको मूल्य घटेर प्रतितोला २ लाख ८२ हजार रुपैयाँ कायम भएको छ ।
जुन अघिल्लो दिन २ लाख ९४ हजार ५ सय रुपैयाँ थियो ।
एक सातामै सुनको भाउ २७ हजार ४ सय रुपैयाँले घटेको छ ।
गत आइतबार ३ लाख ९ हजार ४ सय रुपैयाँ रहेको सुन, माघ १५ गते प्रतितोला ३ लाख ३९ हजार ३ सय रुपैयाँ पुगेर उच्च रेकर्ड बनाएको थियो ।
अन्तर्राष्ट्रिय बजारमा तेलको मूल्य वृद्धि, डलरको माग बढ्नु र ब्याजदर बढ्ने दबाबका कारण सुनको मूल्यमा गिरावट आएको बताइएको छ ।
त्यस्तै, आइतबार चाँदीको भाउ पनि तोलामा ३५५ रुपैयाँ घटेर ४ हजार ५४० रुपैयाँमा झरेको छ ।
एक सातामा चाँदी ७३० रुपैयाँले घटेको छ ।
प्रतिक्रिया दिनुहोस्
