विश्व खबर 
काठमाडौं– नेपाली बजारमा बिहीबार सुनको मूल्यमा उल्लेख्य गिरावट आएको छ ।
नेपाल सुन–चाँदी व्यवसायी महासंघका अनुसार बुधबारको तुलनामा सुनको मूल्य प्रतितोला ५ हजार ४०० रुपैयाँले घटेको हो ।
महासंघले सार्वजनिक गरेको नयाँ मूल्यसूचीअनुसार छापावाल सुन प्रतितोला ३ लाख २ हजार ३०० रुपैयाँमा कारोबार भइरहेको छ ।
यसअघि बुधबार यही सुन ३ लाख ७ हजार ७०० रुपैयाँमा किनबेच भएको थियो ।
त्यसैगरी, १० ग्राम सुनको मूल्य २ लाख ५९ हजार १७५ रुपैयाँ कायम गरिएको छ ।
सुनसँगै चाँदीको मूल्यमा पनि गिरावट देखिएको छ ।
बिहीबार चाँदी प्रतितोला ५ हजार १० रुपैयाँमा कारोबार भइरहेको छ, जुन अघिल्लो दिनको तुलनामा १४० रुपैयाँले कम हो ।
बुधबार चाँदीको मूल्य प्रतितोला ५ हजार १५० रुपैयाँ रहेको थियो ।
प्रतिक्रिया दिनुहोस्
