विश्व खबर 
काठमाडौं– एनआईसी एशिया बैंकले आफ्ना बैंकिङ्ग तथा गैर–बैंकिङ्ग सम्पत्तिहरूका साथै धितो सुरक्षणमा रहेका सम्पत्तिहरूको लिलाम बिक्रीसम्बन्धी सम्पूर्ण विवरण उपलब्ध गराउने उद्देश्यले विशेष अनलाइन पोर्टल सार्वजनिक गरेको छ ।
बैंकले सञ्चालनमा ल्याएको उक्त पोर्टलमार्फत लिलाममा रहेका सम्पत्तिहरूको विस्तृत जानकारी जस्तै कित्ता नम्बर, क्षेत्रफल, फोटो, नक्सा तथा गुगल म्यापमार्फत लोकेशन सहजै प्राप्त गर्न सकिन्छ ।
लिलाम सूचना प्रकाशित हुँदा दिइएको क्युआर कोड स्क्यान गरेर वा सिधै https://auctionassistance.nicasiabank.com मा प्रवेश गरी ग्राहकहरूले आवश्यक विवरण हेर्न सक्ने व्यवस्था गरिएको छ ।
यसका साथै, इच्छुक खरिदकर्ताले आफूलाई चासो लागेको सम्पत्तिबारे थप जानकारी लिनका लागि पोर्टलमा उपलब्ध म्यासेज बक्समार्फत आफ्नो नाम, इमेल, मोबाइल नम्बर र ठेगाना उल्लेख गरी सिधै बैंकसँग सम्पर्क गर्न सक्ने सुविधा पनि उपलब्ध छ ।
बैंकका अनुसार उक्त पोर्टलमा लिलाम बिक्रीमा राखिएका सम्पत्तिहरू तथा सम्बन्धित अन्य सूचनाहरू नियमित रूपमा अद्यावधिक गरिनेछ ।
यसले सम्पत्ति खरिद गर्न इच्छुक ग्राहकहरूलाई सहज, पारदर्शी र व्यवस्थित जानकारी उपलब्ध गराउने विश्वास बैंकले लिएको छ ।
हेर्नुहोस् विज्ञप्ति :
