विश्व खबर 
काठमाडौं– दीपेन्द्र सिंह ऐरीको अर्धशतकको मद्दतमा नेपालले आईसीसी टी–२० विश्वकपमा वेस्ट इन्डिज राष्ट्रिय क्रिकेट टोली सामु १ सय ३४ रनको लक्ष्य प्रस्तुत गरेको छ ।
मुम्बईस्थित वानखेडे स्टेडियममा टस हारेर ब्याटिङ गरेको नेपालले २० ओभरमा ८ विकेट गुमाउँदै १ सय ३३ रन बनायो ।
नेपालका लागि दीपेन्द्रले ४७ बलमा ५८ रन बनाए भने सोमपाल कामी २६ रनमा अविजित रहे ।
सातौँ विकेटका लागि यी दुईबीच ५४ रनको साझेदारी भएपछि नेपाल सम्हालिएको थियो ।
दीपेन्द्रको यो विश्वकपमा नेपाली खेलाडीबाट पहिलो तथा समग्रमा नेपालको दोस्रो अर्धशतक हो ।
यसअघि सन् २०१४ मा सुबास खकुरेलले अर्धशतक बनाएका थिए ।
शीर्षक्रमका ब्याटर चाँडै आउट हुँदा नेपाल सुरुमै दबाबमा परेको थियो ।
वेस्ट इन्डिजका लागि जेसन होल्डरले ४ विकेट लिए भने अन्य बलरले समान १–१ विकेट हात पारे ।
प्रतिक्रिया दिनुहोस्
