विश्व खबर 
काठमाडौं– नेपाल स्टक एक्सचेन्ज (नेप्से) परिसूचक मंगलबार १०.२५ अंकले घट्दै ०.३८ प्रतिशत गिरावटसहित २६६२.१४ विन्दुमा बन्द भएको छ ।
दिनभर उतारचढाव देखिए पनि अन्त्यमा बजार ओरालो लागेको हो ।
आज ३२४ कम्पनीका २ करोड १७ लाखभन्दा बढी कित्ता सेयर खरिद–बिक्री हुँदा कुल कारोबार रकम ८ अर्ब ६१ करोड रुपैयाँ नाघेको छ ।
१३ उपसमूहमध्ये व्यापार र म्युचुअल फन्ड बाहेक सबै घटेका छन् ।
व्यापार ०.५२ प्रतिशत र म्युचुअल फन्ड ०.१९ प्रतिशत बढ्दा विकास बैंक सबैभन्दा धेरै १.१५ प्रतिशतले झरेको छ ।
कम्पनीगत रूपमा ७४ कम्पनीको मूल्य बढ्दा १७९ कम्पनी घटेका छन् भने ७ कम्पनी स्थिर रहे ।
कालिञ्चोक दर्शन लिमिटेड ६.३६ प्रतिशत नाफासहित अग्रस्थानमा रहँदा कर्पोरेट डेभलपमेन्ट बैंक ५.२४ प्रतिशत गिरावटसहित सर्वाधिक गुमाउनेमा परेको छ ।
कारोबार रकमका आधारमा अपि पावर शीर्षमा रह्यो, अरुण काबेली पावर, रिडी पावर र युनियन हाइड्रोपावरको पनि उल्लेख्य कारोबार भएको छ ।
