विश्व खबर 
काठमाडौं– साताको दोस्रो कारोबार दिन सोमबार सेयर बजार दोहोरो अंकले घटेर बन्द भएको छ ।
नेप्से परिसूचक २६.०५ अंकले घट्दै २६७२.३९ विन्दुमा झरेको हो ।
अघिल्लो दिन आइतबार पनि नेप्से १०.२५ अंकले घटेको थियो ।
सोमबार ३२४ कम्पनीका २ करोड ६७ लाख ६६ हजार ३४७ कित्ता सेयर १० अर्ब ७७ करोड ३९ लाख रुपैयाँमा किनबेच भए, जुन आइतबारको ११ अर्ब ६५ करोडको तुलनामा कम हो ।
आज कुनै पनि कम्पनीको सेयर सकारात्मक सर्किटमा पुगेन ।
कालिञ्चोक हाइड्रोपावर ९.९७%, राधी पावर ९.११% र लिवर्टी इनर्जी ७.८४% ले बढे ।
कारोबार रकमका आधारमा रिडी पावर अग्रस्थानमा रह्यो (७७ करोड) ।
एसवाइ प्यानल नेपाल, आँखुखोला जलविद्युत, लिवर्टी इनर्जी र नगदी ग्रुप पावर पनि उच्च कारोबार हुनेमा परे ।
बजारमा ४२ स्टक बढ्दा २१२ घटे र ६ स्थिर रहे ।
ट्रेडिङ बाहेक सबै उपसमूह राताम्य भए, फाइनान्स समूह सबैभन्दा धेरै २% ले घट्यो ।
