काठमाडौं– देशका केही भागमा कात्तिक १० रातिदेखि १२ बिहानसम्म वर्षा र हिमपात हुने सम्भावना छ ।
मौसम पूर्वानुमान महाशाखाका अनुसार, कर्णाली प्रदेशका केही क्षेत्रमा हल्का–मध्यम हिमपात र वर्षा पर्नेछ ।
बाँकी प्रदेशका पहाडी तथा हिमाली भू–भागका थोरै स्थानमा पनि हल्का–मध्यम हिमपात र वर्षाको सम्भावना छ ।
गण्डकी प्रदेशका उच्चपहाडी तथा हिमाली क्षेत्रका एक–दुई स्थानमा भारी हिमपात हुन सक्ने चेतावनी पनि जारी गरिएको छ ।
हाल पश्चिमी वायु र अरबसागरमा बनेको न्यूनचापीय प्रणालीको प्रभाव छ ।
महाशाखाले दैनिक जीवन, कृषि, पर्यटन र पर्वतारोहणमा असर पर्ने भएकाले सतर्क रहन सर्वसाधारण र सम्बन्धित निकायलाई अनुरोध गरेको छ ।
केही स्थानको अर्थ
* १०–३०% क्षेत्रफल: थोरै स्थान
* १०%भन्दा कम: एक–दुई स्थान
* ३०–५०%: केही स्थान
* ५०–८०%: धेरै स्थान
* ८०%भन्दा बढी: अधिकांश स्थान
वर्षाको वर्गीकरण :
* हल्का: १० मिलिमिटर सम्म
* मध्यम: १०–५० मिलिमिटर
* भारी: ५०–१०० मिलिमिटर
* धेरै भारी: १००–२०० मिलिमिटर
* अति भारी: २०० मिलिमिटर भन्दा बढी























