विश्व खबर 
काठमाडौं– एनआईसी एशिया बैंकका प्रमुख कार्यकारी अधिकृत (सीईओ) रोशन न्यौपानेले राजीनामा दिएका छन् ।
सात वर्षको कार्यकालपछि उनले पद छाडेका हुन् ।
बुधबार सञ्चालक समितिसमक्ष राजीनामा बुझाएका न्यौपानेको राजीनामा बिहीबार स्वीकृत गरिएको छ ।
समितिले नायब कार्यकारी अधिकृत सन्तोष कुमार राठीलाई कायममुकायम प्रमुख तोकेको छ ।
न्यौपाने २०७९ कात्तिक १६ गते दोस्रो पटक ४ वर्षका लागि सीईओ बनेका थिए ।
उनले सन् २००८ मा बैंक अफ एशिया नेपाल लिमिटेडको आन्तरिक लेखा परीक्षण विभाग इन्चार्जबाट बैंकिङ सेवा सुरु गरेका थिए ।
त्यसपछि प्रमुख जोखिम अधिकृत हुँदै सन् २०१८ मा सहायक सीईओ बने ।
सहायक सीईओ र निमित्त सीईओको छोटो कार्यकालमै बैंकलाई उल्लेख्य उचाइमा पुर्याएपछि उनलाई १६ मंसिर २०७५ मा पहिलो पटक सीईओ नियुक्त गरिएको थियो ।
प्रतिक्रिया दिनुहोस्
