विश्व खबर 
काठमाडौं– बुधबार सेयर बजार उच्च अंकले उकालो लाग्दै ५३.०१ अंकले बढेर नेप्से २८१९ मा पुगेको छ ।
कारोबारको सुरुवातमा २७६८ सम्म झरेको सूचक अन्तिमसम्म निरन्तर बढ्दा कारोबार रकम पनि उछालिएको छ ।
अघिल्लो दिन ४ अर्ब १८ करोडमा सीमित कारोबार आज ७ अर्ब ६८ करोड पुगेको हो ।
२३२ कम्पनीको मूल्य बढ्दा १९ मात्र घटेका छन् ।
सबै समूहमा हरियाली देखिएको बजारमा विकास बैंक समूह ३.४० प्रतिशतले अग्रणी बढतिमा रह्यो ।
सबैभन्दा धेरै मूल्य बढ्नेमा विकास हाइड्रोपावर (१०%), समता लघुवित्त (९.३६%) र ग्रिन भेन्चर्स (८.०८%) रहे ।
नेपाल रिपब्लिक मिडिया भने ४.२९% ले घट्दै सबैभन्दा कमजोर रह्यो ।
रकमका हिसाबले हिमालयन रिइन्स्योरेन्स, नेपाल पुनर्बीमा, ग्रिन भेन्चर्स, हिमालयन डिस्टिलरी र नेपाल रिपब्लिक मिडिया शीर्ष कारोबार भएका कम्पनी बने ।
प्रतिक्रिया दिनुहोस्
