विश्व खबर 
काठमाडौं– धितोपत्र दोस्रो बजार मापक नेप्से परिसूचक मंगलबार ४.८३ अंकले बढ्दै २७६६.०९ विन्दुमा बन्द भएको छ ।
यस दिन कारोबार रकम भने घट्दै चार अर्ब १८ करोडमा सीमित रह्यो ।
यस दिन १०१ कम्पनीको सेयर मूल्य बढ्दा १४९ कम्पनीको घटेको छ भने युनिलिभर नेपाल लिमिटेडको सेयर स्थिर रह्यो ।
विकास हाइड्रोपावरको सेयर ९.९९ प्रतिशतले बढेको छ ।
नेपाल पुनर्बिमा कम्पनी सर्वाधिक कारोबारमा रह्यो ।
४८ करोड ९५ लाख बराबरको सेयर किनबेच भएको छ ।
हिमालयन रिइन्स्योरेन्समा २१ करोड ७१ लाखको कारोबार भयो ।
कुल १३ मध्ये चार समूह (लगानी, उत्पादन तथा प्रशोधन, माइक्रोफाइनान्स र निर्जीवन बिमा) को परिसूचकमा गिरावट आएको नेप्सेले जनाएको छ ।
प्रतिक्रिया दिनुहोस्
