काठमाडौं– सत्तारूढ कांग्रेस र एमालेले उपसभामुख इन्दिरा राना मगरलाई पदबाट हटाउने तयारी गरेका छन् ।
मंगलबार आफ्ना सांसदहरूसँग हस्ताक्षर संकलन गरिए पनि प्रस्ताव तत्काल दर्ता गर्ने वा नगर्ने भन्नेबारे अन्योल छ ।
कांग्रेस पदाधिकारी बैठकले अघि बढ्नुअघि साना दलहरूसँग सहमति खोज्ने निर्णय गरेको छ ।
राना मगर हाल अमेरिकामा छन् ।
भदौ १३ मा स्वदेश फर्किएपछि मात्र प्रस्ताव अघि बढाउने तयारी कांग्रेस–एमालेको छ ।
तर, माओवादी, राप्रपा, रास्वपा र एकीकृत समाजवादीले भने यसलाई असंवैधानिक भन्दै विरोध जनाएका छन् ।
प्रतिक्रिया दिनुहोस्






















