काठमाडौं – भारतीय विदेश सचिव विक्रम मिश्रीले प्रधानमन्त्री केपी शर्मा ओलीसँग शिष्टाचार भेटवार्ता गरेका छन् ।
आज बिहान काठमाडौँ आइपुगेका मिश्री प्रधानमन्त्री तथा मन्त्रिपरिषद्को कार्यालय, सिंहदरबारमा पुगेर प्रधानमन्त्री ओलीसँग भेटवार्ता गरेका हुन् ।
परराष्ट्र मन्त्रालयका सचिव अमृतबहादुर राईको निमन्त्रणामा मिश्री दुईदिने नेपाल भ्रमणका लागि काठमाडौं आएका हुन् ।
भ्रमणको क्रममा सोमबार उनी पशुपतिनाथको दर्शन गरी भारत फर्कने कार्यक्रममा छन् ।
मिश्रीको आजको भेटवार्तामा भ्रमणका एजेन्डाका विषयमा समेत छलफल हुने बताइएको छ ।
यस भ्रमणको मुख्य उद्देश्य आगामी भदौ ३१ गते प्रधानमन्त्री ओलीको भारत भ्रमणको तयारी सम्बन्धी छलफल गर्नु हो ।
यसअघि भारतले भ्रमण निम्तो नदिएपछि प्रधानमन्त्री ओली चीन पुगेर बिआरआई परियोजनामा सम्झौता गरेका थिए ।
त्यसयता झन् रुष्ट बनेको भारतले ओलीलाई एक वर्षसम्म भ्रमण निम्ता दिएको थिएन ।
तर, उक्त परियोजनाले भारत झस्केको र ओलीलाई भारत भ्रमण दिएको हुनसक्ने विश्लेषकको आकलन छ ।






















