विश्व खबर 
काठमाडौं– भदौ महिनाका लागि वाणिज्य बैंकहरुले नयाँ ब्याजदर सार्वजनिक गरेका छन् ।
जसअनुसार साउनको तुलनामा औसत ब्याजदर घटेको छ ।
नयाँ दर अनुसार व्यक्तिगत मुद्दती निक्षेपको अधिकतम औसत ब्याजदर ५.५८ प्रतिशत पुगेको छ ।
जुन साउनमा ५.६९ प्रतिशत थियो ।
ब्याजदर बढाउने बैंकको सूचीमा प्रभु बैंक पर्छ भने घटाउने बैंकहरूमा स्ट्याण्डर्ड चार्टर्ड, लक्ष्मी सनराइज, एभरेष्ट, सानिमा, कुमारी, सिद्धार्थ, कृषि विकास र नेपाल एसबिआई बैंक छन् ।
बाँकी बैंकहरुको ब्याजदर भने स्थिर रहेको छ ।
भदौमा कृषि विकास बैंकले व्यक्तिगत मुद्दती निक्षेपमा ५.२० प्रतिशत र संस्थागत निक्षेपमा २.८५ प्रतिशत ब्याजदर कायम गरेको छ ।
एभरेष्ट बैंकले व्यक्तिगत निक्षेपमा ५.७५ प्रतिशत र संस्थागत निक्षेपमा ४.७५ प्रतिशत ब्याजदर तोकेको छ ।
यसअघि ब्याज नघटाउने ढिपी गरेका बैंकहरूको भीडमा एक्कासी प्रभु बैंकले घटाएपछि सबै बैंकले घटाएका छन् ।
