विश्व खबर 
काठमाडौं– वाणिज्य बैंकहरूले भदौ महिनाका लागि नयाँ ब्याजदर सार्वजनिक गरेका छन् ।
२० मध्ये ८ बैंकले निक्षेप ब्याजदर घटाएका छन् ।
१ बैंकको बढेको छ र बाँकीको स्थिर छ ।
साउनमा व्यक्तिगत निक्षेपको औसत अधिकतम ब्याजदर ५.६९ प्रतिशत थियो भने भदौमा घटेर ५.५८ प्रतिशत पुगेको छ ।
सबैभन्दा उच्च ६.२५ प्रतिशत ब्याजदर एनआइसी एशिया बैंकले दिनेछ भने सबैभन्दा कम ५ प्रतिशत लक्ष्मी सनराइज बैंकले दिनेछ ।
तर, कर्जा विस्तारमा भने अझै सुधार देखिएको छैन ।
तरलता प्रशस्त भएकाले बैंकहरूले निक्षेपको लागत घटाइरहेका छन् ।
हाल बैंकहरूसँग करिब १० खर्ब बराबर कर्जा लगानी योग्य पुँजी छ ।
कुल निक्षेप ७२ खर्ब २८ अर्ब र कर्जा ५५ खर्ब ८० अर्ब पुगेको छ ।
प्रतिक्रिया दिनुहोस्
