विश्व खबर 
काठमाडौं– नेपाली कांग्रेसभित्र मकवानपुरका इन्द्र बानियाँ र नुवाकोटका बहादुरसिंह लामा दुवै शेरबहादुर देउवा समूहका मुख्य नेता थिए ।
तर, अहिले उनीहरूबीचको सम्बन्ध चिसिएको छ ।
कम्युनिष्टको बलियो गढ मकवानपुरमा पैसाको सहाराले उठेका बानियाँलाई देउवाले लगातार साथ दिएका थिए ।
कांग्रेसकै बलियो गढ नुवाकोटमा महत र केसी परिवारको आन्तरिक वर्चस्वबीच लामालाई अघि बढाएका थिए ।
देउवाको सहयोगमा दुवै पटक–पटक सांसद, मन्त्री हुँदै बानियाँ मुख्यमन्त्री बने भने लामा पनि यसअघि मुख्यमन्त्री बनेका थिए ।
तर, २०७९ को चुनावमा डिना उपाध्यायलाई हराउन बानियाँ सक्रिय भएको भन्दै देउवा असन्तुष्ट भएका थिए ।
लामालाई मुख्यमन्त्री बनाए ।
तर दुई वर्षमै समीकरण फेरिएर बानियाँ पुनः देउवाको विश्वास जित्न सफल भए ।
यद्यपि लामा पक्षलाई वाचा गरेको तीन मन्त्रालय नदिएपछि उनीहरू आक्रोशित छन् ।
यसले बागमती प्रदेशमा कांग्रेसको समीकरण फेरबदल हुने आकलन सुरु भएको छ ।
लामा समूह शेखर कोइरालातर्फ आकर्षित हुने सम्भावना बढेको छ ।
लामा समूहसँग हाल १५ सांसद छन् ।
यसअघि मधेशका नेता रामसरोज यादव पनि संस्थापन पक्ष छाडेर शेखर समूहमा गएका थिए ।
देउवाले आफ्नै अर्का सांसद कान्छाराम तामाङलाई पनि असन्तुष्ट बनाएका छन् ।
यस्तो असन्तुष्टि बढ्दै गए शेखर कोइरालाले ठूलो फाइदा उठाउने विश्लेषण कांग्रेसभित्र चल्न थालेको छ ।
लामा पक्षका सांसदहरू यतिबेला प्रतिपक्षी नेकपा (माओवादी केन्द्र) लगायतका दलहरूसँग सम्भावित नयाँ सरकार गठनको लागि छलफलमा स्रोत बताउँछ ।
