विश्व खबर 
काठमाडौं– भोटेकोशीमा आएको विनाशकारी बाढीबाट क्षतिग्रस्त सडक तथा पुल पुनर्निर्माणका क्रममा नेपाली सेनाले नुवाकोटको देवीघाटस्थित तादी खोलामा एक्रो ब्रिज जडान गरी सडक सञ्चालनमा ल्याएको छ ।
नुवाकोट–५, देवीघाटमा जडान गरिएको पुल ५७.९ मिटर लामो, ५.५ मिटर चौडा र अधिकतम ६० टन भार वहन गर्न सक्ने क्षमताको रहेको नेपाली सेनाले जनाएको छ ।
पुल सञ्चालनमा आएसँगै नुवाकोट तथा आसपासका क्षेत्रका नागरिकलाई आवतजावतमा सहज हुने भएको छ । साथै बाढी प्रभावित क्षेत्रमा राहत, उद्धार तथा अत्यावश्यक सामग्री ढुवानी गर्न पनि सहज हुने नेपाली सेनाले जनाएको छ ।
पुल अवलोकन गर्न पुगेकाहरूले सरकारको तर्फबाट दिनरात खटिएर पुल तयार गरेको भन्दै नेपाली सेनालाई धन्यवाद दिएका छन् । उनीहरूको कडा मेहनतकै कारण यति चाँडै पुल निर्माण सम्भव भएको उनीहरूको भनाइ छ ।
प्रतिक्रिया दिनुहोस्
