विश्व खबर 
हेटौँंडा– बागमती प्रदेशका मुख्यमन्त्री इन्द्रबहादुर बानियाँले आज आफ्नो सरकार विस्तारको तयारी गरेका छन् ।
मुख्यमन्त्री निकट स्रोतका अनुसार नेपाली कांग्रेस र नेकपा (एमाले)को संयुक्त १४ सदस्यीय मन्त्रिपरिषद्मा हाल रिक्त रहेका पाँच मन्त्रालयमा नियुक्ति गर्ने तयारी भइरहेको छ ।
२० साउनमा मुख्यमन्त्री बनेका बानियाँले सोही दिन आफ्नै पार्टीका ६ र कांग्रेसका २ मन्त्रीलाई सपथ गराएका थिए ।
अब कांग्रेसले मन्त्रालय भागबन्डाअनुसार बाँकी रहेका पाँच मन्त्रालयमा मन्त्री नियुक्त गर्न लागेको छ ।
आन्तरिक मामिला तथा कानुन, आर्थिक मामिला तथा योजना, सामाजिक विकास, युवा तथा खेलकुद र सहकारी तथा गरिबी निवारण मन्त्रालयका लागि मन्त्री नियुक्त हुँदैछन् ।
पूर्वमुख्यमन्त्री बहादुरसिंह लामाले नियुक्त गरेका तीन मन्त्रीहरूको पुनर्नियुक्ति सम्भावना टरेको बताइएको छ ।
प्रतिक्रिया दिनुहोस्
