काठमाडौं– अधिवक्ता ओमप्रकाश अर्यालले आगामी १७ कात्तिकमा हुने रुपन्देही–३ उपनिर्वाचनमा स्वतन्त्र उम्मेदवारी दिन तयारी गरेका छन् ।
गुल्मीमा जन्मी बुटवलमा हुर्किएका र हाल ललितपुरमा बस्ने अर्याल काठमाडौं महानगरका मेयर बालेन्द्र शाहका पूर्व कानुनी सल्लाहकार हुन् ।
सार्वजनिक सम्पत्ति संरक्षणमा सक्रिय रहँदै आएका उनले दलको समर्थनबिनै प्रतिस्पर्धा गर्ने योजना बनाएका छन् ।
स्थानीय मतदाता तथा काठमाडौंका प्रभावशाली व्यक्तिहरूसँग भेटघाट गरिरहेका छन् ।
रुपन्देही–३ का सांसद दीपक बोहराको गत १९ चैतमा निधन भइको थियो ।
यस क्षेत्रका उपनिर्वाचनमा एमाले, कांग्रेस, माओवादी, रास्वपा र राप्रपाले पनि उम्मेदवार उतार्ने तयारी गरेका छन् ।
एमालेले खिमलाल भट्टराईलाई उम्मेदवार बनाउने सम्भावना उच्च छ ।
प्रतिक्रिया दिनुहोस्






















