images
images
  • ओलीबाट बिच्किएका १० वर्षे सशस्त्र द्वन्द्वका सारथी प्रचण्ड–माधव पार्टी एकताको सम्मुखमा

    काठमाडौं– नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’) र नेकपा (एकीकृत समाजवादी) अध्यक्ष माधवकुमार नेपालबीच पार्टी एकताको सम्भावनाबारे अनौपचारिक संवाद तीव्र भएको छ ।

    समाजवादी मोर्चामा रहेका दुवै दलबीच लामो समयदेखि चलिरहेको छलफल पछिल्लो भेटघाटसँगै सक्रिय बनेको हो ।

    एकीकृत समाजवादीका उपाध्यक्ष जगन्नाथ खतिवडाले भेटघाटलाई औपचारिक वार्ता नभई सम्बन्ध सुधार र सम्भावना खोजीको प्रक्रिया मात्र भएको बताए ।

    उनका अनुसार कार्यकर्ताको मनोविज्ञान बुझ्न र सौहार्दपूर्ण वातावरण विकास गर्न दुवै पक्षले पहल गरिरहेका छन् ।

    माओवादी केन्द्रका प्रवक्ता अग्निप्रसाद सापकोटाले समाजवादी मोर्चाका दलहरूलाई एकतामा रुपान्तरण गर्ने सोचअनुसार संवाद भइरहेको बताए ।

    मंगलबार पेरिसडाँडामा दुवै अध्यक्षबीच सातै प्रदेशका इन्चार्जसँग समेत एकताको विषयमा छलफल भएको उनले जानकारी दिए ।

    प्रतिक्रिया दिनुहोस्
    images
    images