विश्व खबर 
काठमाडौं– राष्ट्रिय मानवअधिकार आयोगका प्रतिनिधिहरूले राष्ट्रिय स्वतन्त्र पार्टी (रास्वपा) का सभापति रवि लामिछाने बसिरहेको रूपन्देही कारागारको कोठामा वातानुकूलित (एसी) नभएको र झ्याल प्लाईको पाटोले टालेर बन्द गरिएको स्पष्ट पारेका छन् ।
कारागारको अनुगमनपछि आयोगका प्रतिनिधिहरूले कारागारभित्रका आधारभूत सुविधा पर्याप्त नभएको टिप्पणी गरेका छन् ।
राष्ट्रिय मानवअधिकार आयोगकी प्रवक्ता लिली थापाका अनुसार कारागारमा क्षमताभन्दा बढी कैदी बन्दी राखिएको छ ।
शौचालयको संख्या अपर्याप्त हुनुका साथै रहेका शौचालयहरूको अवस्था पनि असन्तोषजनक रहेको उनले बताइन् ।
थापाले भनिन्, ‘कि रवि लामिछानेलाई राखिएको ब्लकमा झ्याल टालिएको हुँदा कोठामा हावा राम्रोसँग नआउने अवस्था रहेको छ । कोठामा एउटा सामान्य चाइनिज पंखा र अर्को ठूलो पार्टी प्यालेसमा प्रयोग हुने पंखा रहेको छ ।’
जेल प्रशासनले सुरक्षा कारण देखाउँदै झ्याल टालिएको बताएको र आयोगले झ्याल खोल्न आग्रह गर्दा प्रशासनले झ्याल खोल्न तयार भएको पनि थापाले उल्लेख गरिन् ।
प्रतिक्रिया दिनुहोस्