विश्व खबर 
काठमाडौं– सहकारी ठगी मुद्दामा पुर्पक्षका लागि भैरहवा कारागारमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेविरुद्ध न्याय परिषद्मा गम्भीर उजुरी परेको छ ।
अधिवक्ता रमेशबहादुर रावलले दर्ता गराएको उजुरीमा लामिछानेले न्यायिक काममा हस्तक्षेप गरी स्वार्थसिद्धि गरेको र विभिन्न अदालतमा चलेका मुद्दामा दबाब दिएको आरोप लगाइएको छ ।
उजुरीमा लामिछानेले आफ्नो राजनीतिक र मिडिया प्रभाव प्रयोग गरी संवेदनशील मुद्दामा पक्षपाती कदम चालेको, निकटतमहरू आर्थिक अनियमिततामा संलग्न रहेको पनि उल्लेख छ ।
साथै, रवि र उनका समर्थकहरूले न्यायपालिकामा अनावश्यक दबाब दिइरहेको र थुनामुक्त गर्न मुद्दामा अवैध क्रियाकलाप भएको आरोप लगाइएको छ ।
लामिछानेले बैंक जमानत बुझाएर थुनामुक्त हुन खोज्दा सर्वोच्च अदालतले रिहा अस्विकार गरी थुनामा राख्न आदेश दिएको छ ।
उनी सहकारी ठगी, संगठित अपराध र सम्पत्ति शुद्धिकरणको अभियोगमा थुनामा छन् ।
लामिछानेको पक्षमा रास्वपाका नेताहरू कारागारमा पुगेर भेटघाट गरेका छन् भने पार्टीले चलाएको चन्दा संकलनबाट उठेको रकम लामिछानेको बैंक जमानतमा राखिएको बताइएको छ ।
प्रतिक्रिया दिनुहोस्