images
images
  • कुसुम महर्जनले रूपन्देही–३ को उपनिर्वाचनमा उमेद्‌वार बन्ने मोहले त्यागिन् रास्वपा सांसद पद

    काठमाडौं– राष्ट्रिय स्वतन्त्र पार्टी (रास्वपा)की केन्द्रीय सदस्य कुसुम महर्जनले प्रतिनिधिसभाको समानुपातिकतर्फको बन्द सूचीबाट आफ्नो नाम हटाउन पार्टीमा निवेदन दिएकी छन् ।

    पार्टी प्रवक्ता मनिष झाले उक्त निवेदनमाथि मंगलबार बस्ने सचिवालय बैठकमा छलफल हुने जानकारी दिएका छन् ।

    महर्जनले रूपन्देही–३ को उपनिर्वाचनमा उमेदवार बन्ने उद्देश्यले नाम फिर्ता मागेकी हुन् ।

    कानुन अनुसार समानुपातिक सूचीमा रहेको व्यक्ति प्रत्यक्षतर्फ उम्मेदवार बन्न सक्दैन ।

    उनले यो निर्णय व्यक्तिगतभन्दा पनि पार्टी र स्थानीय कार्यकर्तासँगको सल्लाहमा गरेको बताएकी छन् ।

    रूपन्देही–३ की स्थायी बासिन्दा महर्जनसँग गैरसरकारी संस्थामा काम गरेको अनुभव छ ।

    हाल काठमाडौंमा बस्दै आएकी छन् । उनले उमेदवार बन्ने सम्भावना रहेको पनि बताएकी छन् ।

    तर, प्रवक्ता झाले उम्मेदवार चयन पार्टीको कार्यविधिअनुसार हुने स्पष्ट पारेका छन् ।

    रास्वपाले उपनिर्वाचनका लागि उम्मेदवार आह्वान गरिसकेको छ ।

    जसका लागि साउन २१ गतेसम्म आवेदन दिन सकिनेछ ।

    पार्टीले १५ भदौमा उमेदवारको नाम सार्वजनिक गर्ने लक्ष्य राखेको छ ।

    उपनिर्वाचनको सम्पूर्ण नेतृत्व पार्टी सहमहामन्त्री एवं लुम्बिनी प्रदेश इञ्चार्ज विपिनकुमार आचार्यले सम्हाल्ने छन् ।

    प्रतिक्रिया दिनुहोस्
    images
    images