images
images
  • माओवादी स्थायी समिति बैठकमा जनार्दन शर्मालाई स्पष्टीकरण सोध्ने एजेन्डा प्राथमिकतामा

    काठमाडौं– नेकपा (माओवादी केन्द्र)को स्थायी समिति बैठक बिहीबार केन्द्रीय कार्यालय, पेरिसडाँडामा सुरु भएको छ ।

    बैठकको प्रारम्भमा सहिदप्रति श्रद्धाञ्जली अर्पण गर्दै अध्यक्ष पुष्पकमल दाहाल ‘प्रचण्ड’ले एजेन्डा पेस गरेका छन् ।

    उपमहासचिव हरिबोल गजुरेलका अनुसार प्रत्येक स्थायी समिति सदस्यलाई १०–१५ मिनेट समय दिइएको छ ।

    तर, छलफलको प्रकृतिअनुसार समय लम्बिन सक्नेछ । बुधबार बसेको पदाधिकारी बैठकले पाँचवटा मुख्य एजेन्डा तय गरेको थियो ।

    मुख्य एजेन्डा :

    पार्टीभित्रको अन्तरविरोध समाधानका उपाय

    – विशेषतः अध्यक्ष प्रचण्ड र उपमहासचिव जनार्दन शर्माबीचको पछिल्लो विवादले बैठकलाई थप संवेदनशील बनाएको छ ।

    – विधि र प्रक्रियामार्फत समाधान खोज्ने विषयमा छलफल केन्द्रित हुने सम्भावना ।

    मध्यपहाडी लोकमार्ग केन्द्रित अभियानको निरन्तरता

    केन्द्रीय समिति बैठकको मिति निर्धारण

    समाजवादी मोर्चाको विस्तार तथा संगठन सुदृढीकरण

    – कार्यविभाजन, संगठन निर्माण, आन्तरिक एकता सुदृढीकरण।

    समसामयिक प्रस्ताव तयारी

    – बाढी, पहिरो लगायतका प्राकृतिक प्रकोप, संसदमा विचाराधीन विधेयक, र जनजीविका सम्बन्धी मुद्दामा केन्द्रित ।

    गजुरेलका अनुसार छलफलपछि मात्रै शर्मालाई स्पष्टीकरण सोध्ने वा निष्कर्ष निकाल्ने निर्णय हुनेछ ।’

    यस बैठकले माओवादी केन्द्रभित्रको रणनीतिक दिशा र आन्तरिक एकताको मार्गचित्र तय गर्ने अपेक्षा गरिएको छ ।

    प्रतिक्रिया दिनुहोस्
    images
    images