images
images
  • माओवादी विवाद : जनार्दन शर्मालाई पार्टीबाट निष्कासन गर्न अध्यक्ष प्रचण्डमाथि चौतर्फी दबाब

    काठमाडौं– नेकपा (माओवादी केन्द्र)भित्र चर्किंदो आन्तरिक संघर्षलाई व्यवस्थापन गर्न पार्टीले ‘आन्तरिक एकता’ शीर्षकको प्रस्ताव तयार पारेको छ ।

    महासचिव देव गुरुङले उक्त प्रस्ताव केन्द्रीय पदाधिकारी बैठकमा प्रस्तुत गरेका छन्, जसलाई शुक्रबारदेखि सुरु हुने स्थायी समिति बैठकमा मुख्य एजेन्डा बनाइनेछ ।

    उपमहासचिव जनार्दन शर्माले नेतृत्व हस्तान्तरण, आन्तरिक लोकतन्त्र कमजोर हुनुजस्ता विषय उठाउँदै विशेष महाधिवेशनको माग गरेपछि पार्टीभित्र विवाद बढेको हो ।

    अध्यक्ष पुष्पकमल दाहाल ‘प्रचण्ड’ले सार्वजनिक रुपमा नाम नलिए पनि ‘सिँगौरी खेलेको’ भन्दै असन्तुष्टि जनाएका छन् ।

    शर्माले आफूलाई हेडक्वार्टर नजिकका नेताले पार्टी फुटाउन खोजेको आरोप लगाएको भन्दै सामाजिक सञ्जालमार्फत प्रतिवाद गरेका छन् ।

    दाहालले शर्माको अभिव्यक्तिलाई गम्भीर रूपमा लिएर प्रस्ताव तयार गर्न गुरुङलाई निर्देशन दिएका थिए ।

    स्थायी समितिमा शर्मामाथि सचेत गराउने वा थप कारबाहीको सम्भावना रहेको बताइएको छ ।

    शर्माले पार्टी विधि बाहिर गएर अभिव्यक्ति दिएको भन्दै कारबाही गर्नुपर्ने भन्दै प्रचण्डमाथि दबाब बढाएका छन् ।

    पार्टीभित्र अध्यक्ष र उपमहासचिव शर्माका समर्थकहरूबीच खुलेआम ध्रुवीकरण देखिन थालेको छ ।

    उनी पक्षीय नेताहरूले सामाजिक सञ्जालमा उद्धरणसहितको अभियान चलाएका छन् भने शर्मापक्षीय नेताहरूले वैचारिक प्रतिवादको आह्वान गरेका छन् ।

    शर्माले २०८१ साउनमा १४ पृष्ठ लामो मतपत्र पेश गर्दै पार्टी प्रणाली लोकतान्त्रिक नभएको र वैचारिक स्पष्टता आवश्यक रहेको बताएका थिए ।

    त्यसपछि उनको मतमा प्रदेशस्तरीय छलफल पनि भएको थियो ।

    लामो विवादपछि उनी संगठन विभाग प्रमुख बनाइएका थिए ।

    प्रतिक्रिया दिनुहोस्
    images
    images