विश्व खबर 
काठमाडौं– नेकपा (एकीकृत समाजवादी) मा हालै प्रवेश गरेका वरिष्ठ नेता वामदेव गौतमले आफूले माग गरेको संगठन विभागको जिम्मेवारी नपाएकोप्रति असन्तुष्टि व्यक्त गरेका छन् ।
गौतमले अध्यक्ष माधवकुमार नेपाल र विभाग प्रमुख बेदुराम भुसालसँग पटक–पटक आग्रह गरे पनि आफूलाई उक्त जिम्मेवारी नदिइएको बताएका छन् ।
गौतमका अनुसार संगठन विभागबाट पार्टीलाई ०८४ को निर्वाचनमा बलियो बनाउने योजना लिएर उनले उक्त पद मागेका थिए ।
तर, भुसालले जिम्मेवारी दिन नमानेको र उल्टै आफूले पनि संगठनमा योगदान दिएको भन्दै अडान देखाएको गौतमको भनाइ छ ।
संगठन विभाग नपाएकोमा निराश भए पनि गौतमले अहिले नै पार्टी नछाड्ने स्पष्ट पारेका छन् ।
गौतमले भने, ‘यदि म माओवादीमा गएको भए, उनीहरूले खुशीसाथ संगठन विभाग दिन्थे ।’
प्रतिक्रिया दिनुहोस्