images
images
  • १७ वर्षदेखि फरार लागूऔषध तस्कर सुटुक्क बालुवाटारमा, प्रधानमन्त्रीसँग फोटो खिच्दा प्रहरी हेरेको हेर्‍यै

    काठमाडौं– लागूऔषध कारोबार मुद्दामा दोषी ठहर भई पाँच वर्ष कैद सजाय सुनाइएका अखिल नेपाल फुटबल संघ (एन्फा) उपाध्यक्ष दावा लामाले हालै प्रधानमन्त्री केपी शर्मा ओलीसँग बालुवाटारमा भेट गरेका छन् ।

    लामाले प्रधानमन्त्रीलाई ‘फिफा फर स्कुल’ कार्यक्रमको निमन्त्रण दिन भेटेको बताइएको छ ।

    उनीसँगै एन्फा अध्यक्ष पंकजविक्रम नेम्वाङ र महासचिव किरण राई पनि बालुवाटार पुगेका थिए ।

    तीनै जना ओलीसँग फोटो खिचाए पनि एन्फाले सार्वजनिक गरेको तस्वीरमा लामा देखिँदैनन् ।

    २०६४ सालमा पाटन पुनरावेदन अदालतले लामालाई खैरो हेरोइन कारोबारको अभियोगमा पाँच वर्ष कैद र पाँच हजार जरिवाना सुनाएको थियो ।

    तर, उनले फैसला कार्यान्वयन हुन नदिई फरार रहँदै सार्वजनिक पद सम्हालिरहेका छन् ।

    सर्वोच्च अदालतले समेत उनलाई फरारकै हैसियतमा रहेको पुष्टि गरिसकेको छ ।

    १७ वर्षदेखि फरार लामाले हालसम्म चार वर्ष दुई महिना कैद भुक्तान गर्न बाँकी छ ।

    यद्यपि, उनी अहिले पनि एन्फाको उपाध्यक्ष पदमा छन् ।

    युवा तथा खेलकुद मन्त्रालयले लामामाथि कारबाही गर्न राष्ट्रिय खेलकुद परिषदलाई पत्र पठाएको भए पनि कारबाही प्रक्रिया अघि बढेको छैन ।

    अर्कोतर्फ लामाले आफू ‘पीडितको म्याद तामेलीमा परेको’ भन्दै सर्वोच्चमा रिट दायर गरेका छन् ।

    जसको सुनुवाइको म्याद पटक–पटक सरेको छ ।

    यद्यपि उनी अझै निर्दोष सावित भइसकेका छैनन् ।

    यसैबीच एएफसीले उनलाई आफ्नो सामाजिक उत्तरदायित्व कमिटीबाट हटाइसकेको छ ।

    प्रतिक्रिया दिनुहोस्
    images
    images