काठमाडौं– नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधवकुमार नेपालबीच आज पुनः भेटवार्ता हुने भएको छ ।
दुई नेताबीचको यो भेट सिंहदरबारमा दिउँसो ३ बजेका लागि तय भएको छ ।
पछिल्लो राजनीतिक परिस्थितिसँगै समाजवादी मोर्चालाई थप सक्रिय बनाउने विषयमा छलफल हुने जनाइएको छ ।
यसअघि हिजो पनि दाहाल र नेपालबीच खुमलटारस्थित प्रचण्ड निवासमा भेटवार्ता भएको थियो ।
सो अवसरमा वामपन्थी ध्रुवीकरण, राष्ट्रिय तथा अन्तर्राष्ट्रिय राजनीतिक परिवेशको समीक्षा, र कम्युनिष्ट शक्तिहरूलाई एकीकृत गर्नका लागि भइरहेका प्रयासबारे विचारविमर्श गरिएको थियो ।
प्रतिक्रिया दिनुहोस्






















