विश्व खबर 
काठमाडौं– नेपाली कांग्रेस सभापति शेरबहादुर देउवालाई पार्टीका शीर्ष नेताहरूले आगामी कात्तिक १७ गते हुने प्रतिनिधिसभा उपनिर्वाचनमा २०७९ सालको निर्वाचनमा उठेका उम्मेदवारलाई पुनः अघि सार्न सुझाव दिएका छन् ।
आज (मंगलबार) बिहान बुढानीलकण्ठस्थित देउवा निवासमा पुगेका पूर्वउपसभापति गोपालमान श्रेष्ठ र विजयकुमार गच्छदार, पूर्वमहामन्त्री प्रकाशमान सिंह र कृष्णप्रसाद सिटौला तथा
पूर्वसहमहामन्त्री डा.प्रकाशशरण महतले २०७९ को निर्वाचनमा कांग्रेसका उम्मेदवार रहेका बालकृष्ण खाणलाई नै पुनः उम्मेदवार बनाउन आग्रह गरेका हुन् ।
उक्त सर्कलका नेताहरूले कांग्रेसको पक्षमा मत अभिवृद्धि गराउने रणनीतिसहित खाणलाई पुनः अघि सार्नुपर्ने धारणा राखेको बताइएको छ ।
भेटमा सहभागी पूर्वउपसभापति श्रेष्ठले खाँणलाई नै उम्मेदवार बनाएर निर्वाचन जित्ने रणनीति अपनाउनुपर्ने धारणा राखिएको जानकारी दिए ।
२०७९ को निर्वाचनमा बालकृष्ण खाण राप्रपा नेता दीपक बोहोरासँग पराजित भएका थिए ।
बोहोराको निधनपछि खाली भएको सो क्षेत्रको उपनिर्वाचन हुन लागेको हो ।
खाण पछिल्लो समय नक्कली भुटानी शरणार्थी प्रकरणमा मुछिएका थिए, जसका कारण उनी विवादास्पद पात्रका रूपमा देखिएका छन् ।
प्रतिक्रिया दिनुहोस्