images
images
  • देउवा नेतृत्व त्याग्न तयार नभएपछि कांग्रेसमा रडाको, शेखर, गगन र विश्वप्रकाश असन्तुष्ट

    काठमाडौं– नेपाली कांग्रेसभित्र १५औँ महाधिवेशनको मिति टुंग्याउन सत्ता पक्ष र इतर समूहबीच रस्साकस्सी चुलिएको छ ।

    मंसिर २०७८ मा भएको महाधिवेशनअनुसार हालको केन्द्रीय कार्यकाल आगामी मंसिरमा सकिँदै छ ।

    तर, सभापति शेरबहादुर देउवा पक्षले कार्यकाल एक वर्ष थप गर्न सक्ने संवैधानिक प्रावधान प्रयोग गर्दै महाधिवेशन ढिलो गर्न खोजेको इतर समूहको आरोप छ ।

    महामन्त्री विश्वप्रकाश शर्मा र गगन थापा नेतृत्वको इतर समूहले भने महाधिवेशन समयमै २०८२ मंसिरमै गर्नुपर्ने माग राख्दै आएका छन् ।

    शर्माले देउवालाई अब सभापति र प्रधानमन्त्री दुवै पदबाट अवकाश लिन आग्रह गरेका छन् ।

    देउवाले संविधान र विधानअनुसार कार्यकाल थप गर्न पाउने भन्दै आफ्नो निर्णय आफैंले गर्ने बताएका छन् ।

    हालसम्म क्रियाशील सदस्यता नवीकरणको काम सम्पन्न नहुँदा संगठनात्मक तयारी कमजोर देखिएको छ ।

    गगन थापाले विधान संशोधन, क्रियाशील सदस्य अद्यावधिक, वडा अधिवेशनदेखि केन्द्रसम्मको कार्यतालिका अघि सारेका थिए ।

    तर, संस्थापन पक्षले त्यसलाई प्राथमिकतामा राखेको छैन ।

    विश्लेषकहरूका अनुसार देउवा पक्ष महाधिवेशन ढिलो गराएर पार्टी सत्ता नियन्त्रणमा राख्न चाहन्छ ।

    इतर समूह कमजोर हुँदा देउवा पक्षले आफ्नो बहुमत प्रयोग गरी मिति अन्योलमा राखेको हो ।

    प्रतिक्रिया दिनुहोस्
    images
    images