images
images
  • संघमा मन्त्री र मधेसको नेतृत्व नपाउने भएपछि जसपाद्वारा सरकारलाई दिएको समर्थन फिर्ता

    काठमाडौं– जनता समाजवादी पार्टी (जसपा) नेपालले सरकारलाई दिएको समर्थन औपचारिक रूपमा फिर्ता लिएको छ ।

    बुधवार बसेको जसपाको संसदीय दलको बैठकले समर्थन फिर्ता लिने निर्णय गरेको हो ।

    पार्टीका प्रचार, प्रसार तथा प्रकाशन विभाग प्रमुख पूर्ण बस्नेतले बैठकको निर्णयबारे जानकारी दिएका छन् ।

    यसअघि नै पार्टीको कार्यकारिणी समितिले सरकारबाट समर्थन फिर्ता लिने प्रारम्भिक निर्णय गरिसकेको थियो ।

    तर, त्यसबीचमा जसपाका नेताहरुले प्रधानमन्त्री एवं नेकपा (एमाले) अध्यक्ष केपी शर्मा ओली र नेपाली कांग्रेस सभापति शेरबहादुर देउवासँग भेटवार्ता गरेका थिए ।

    ती भेटमा भूमिसम्बन्धी विधेयक, सत्ता सहकार्य लगायतका विषयमा छलफल भएको थियो ।

    जसपाले भूमि विधेयकका प्रावधानहरूमा असहमति जनाउँदै अडान नछाड्ने स्पष्ट पारेको थियो ।

    यद्यपि ओली र देउवाले सम्वा दबाट समाधान खोज्न सकिने सुझाव दिएका थिए।

    तर, पार्टीको मूल अडानमा कायम रहँदै संसदीय दलको बैठकबाट अन्ततः सरकारलाई दिएको समर्थन फिर्ता लिने औपचारिक निर्णय लिएको हो ।

    स्रोतका अनुसार देउवा र ओलीसँगको भेटमा जसपाले मधेस प्रदेशको नेतृत्व गर्न पाउनुपर्ने र पार्टी अध्यक्ष उपेन्द्र यादवले आफूलाई उपप्रधानसहित स्वास्थ्यमन्त्रीको माग गरेका थिए ।

    उनको माग पूरा गर्न नसकिने प्रधानमन्त्रीको अडानलगत्तै यादवले सरकारलाई दिएको समर्थन फिर्ता लिएका छन् ।

    प्रतिक्रिया दिनुहोस्
    images
    images