काठमाडौं– नेपाली कांग्रेसका नेता तथा पूर्वगृहमन्त्री बालकृष्ण खाँण पार्टी सभापति शेरबहादुर देउवासँग दूरी बढाउँदै डा.शेखर कोइरालासँग नजिकिँदै गएका संकेत देखिएका छन् ।
कोइराला निवासमा पुगेर खाँणले भने, ‘यो कुनै गुटको केन्द्र होइन, पवित्र भूमि हो ।’
नक्कली भुटानी शरणार्थी प्रकरणमा पक्राउ परेपछि खाँणको प्रभाव कम हुँदै गएको थियो ।
उनले देउवा समूहको असहयोगकै कारण आफू कानुनी फन्दामा परेको भन्दै गुनासो गर्दै आएका छन् ।
जेलमा रहँदा देउवाले अपेक्षित साथ नदिएकोमा उनी असन्तुष्ट छन् भने डा. कोइराला भने उनलाई भेट्न जेलमै पुगेका थिए ।
खाँणसँग नजिक रहेका ११ सांसद कोइराला समूहमा खुलेरै लागे नेतृत्व परिवर्तनको सम्भावना बलियो हुने विश्लेषण गरिएको छ ।
तर, कोइराला निवास पुगेको खाँणको उपस्थितिलाई देउवा समूहले चासोपूर्वक हेरिरहेको छ ।
यो घटनाले कांग्रेसभित्र गुटीय समीकरण फेरिन सक्ने संकेत देखिएको छ ।






















