काठमाडौं– राष्ट्रिय स्वतन्त्र पार्टी (रास्वपा)ले पटक–पटक निवेदन दिए पनि निर्वाचन आयोगले संगठनात्मक विवरण अद्यावधिक गर्न आलटाल गरिरहेको छ ।
२०८१ साउन १७ गते तत्कालीन महामन्त्री मुकुल ढकाललाई हटाएको जानकारी आयोगमा दिएको रास्वपाले असार ८ गते सम्बन्धित थप कागजात बुझाइसकेको छ ।
त्यसपछि असार ७ मा कविन्द्र बुर्लाकोटीलाई महामन्त्री र मनिष झालाई प्रवक्ताका रूपमा नियुक्त गरिएको जानकारी आयोगमा असार ९ गते निवेदनमार्फत पेश गरिएको थियो ।
त्रुटि भन्दै आयोगले विवरण अद्यावधिक नगरेपछि रास्वपाले असार १९ मा नयाँ निवेदन दिएको थियो ।
तर आयोगले अझै अध्ययन भइरहेको भन्दै प्रक्रिया अघि बढाएको छैन ।
पूर्व महामन्त्री ढकालले अदालतमा मुद्दा हालेका छन् भने आयोगमा विवरण अद्यावधिक नगर्न पनि निवेदन दिएका छन् ।
रास्वपाले आयोगमाथि राजनीतिक दबाबमा काम गरिरहेको आरोप लगाएको छ ।
प्रतिक्रिया दिनुहोस्























