images
images
  • उपनिर्वाचनको तयारीमा आयोग, मतदाता नामावली दर्ता गर्न आग्रह (विज्ञप्तिसहित)

    काठमाडौं– निर्वाचन आयोग नेपालले २०७९ सालमा सम्पन्न विभिन्न तहका निर्वाचनपछि विभिन्न कारणवश केही पदहरू रिक्त रहेको उल्लेख गर्दै भविष्यमा उपनिर्वाचन हुनसक्ने सम्भावनालाई मध्यनजर गर्दै महत्त्वपूर्ण जानकारी सार्वजनिक गरेको छ ।

    आयोगले निर्वाचन मिति घोषणा हुनुअघि नै मतदाता नामावलीमा नाम दर्ता गर्न सबै नागरिकलाई आग्रह गरेको छ ।

    निर्वाचन आयोगका अनुसार मतदाता नामावली ऐन, २०७३ को दफा ७ को उपदफा (२) को खण्ड (र) बमोजिम निर्वाचन मिति घोषणा भइसकेपछि सो निर्वाचनको प्रयोजनका लागि मतदाता नामावलीमा नाम थप गर्ने छैन भन्ने कानुनी व्यवस्था छ ।

    त्यसैले आगामी निर्वाचनमा मतदान गर्न चाहने तर अझै मतदाता नामावलीमा नाम दर्ता नगरेका व्यक्तिहरूले निर्वाचन मिति घोषणा हुनुअघि नै नाम दर्ता गराइसक्नुपर्ने आयोगले स्पष्ट पारेको छ ।

    निर्वाचन आयोगका सहायक प्रवक्ता दुर्गा प्रसाद चालिसेले हस्ताक्षरित उक्त प्रेस विज्ञप्तिमा सबै नेपाली दाजुभाइ तथा दिदीबहिनीहरूलाई समयमा नै मतदाता नामावलीमा नाम समावेश गराउन हार्दिक अनुरोध गरिएको छ ।

    हेर्नुहोस् विज्ञप्ति :

    Election commission

    प्रतिक्रिया दिनुहोस्
    images
    images