images
images
  • रास्वपा र राप्रपाद्वारा संसद् बैठक बहिष्कार, बाहिरिए दुवै दलका सांसद

    काठमाडौं– प्रतिनिधिसभाको आजको बैठकमा राष्ट्रिय प्रजातन्त्र पार्टी (राप्रपा) र राष्ट्रिय स्वतन्त्र पार्टी (रास्वपा) का सांसदहरूले तीव्र विरोध जनाउँदै बैठक बहिष्कार गरेका छन् ।

    बैठक सुरु भएलगत्तै दुवै दलका सांसदहरू आ–आफ्नो सिटबाट उठेर विरोध जनाए ।

    सभामुख देवराज घिमिरेले उनीहरूलाई बस्न आग्रह गरे पनि उनीहरूले आग्रह अस्वीकार गर्दै विरोध जारी राखे । सभामुखले त्यसपछि मन्त्रालयगत बजेटमाथिको छलफल अघि बढाएका थिए ।

    विरोध कायम राख्दै राप्रपा र रास्वपा सांसदहरू बैठक कक्षबाट बाहिरिएका छन् ।

    यसैबीच सभामुख घिमिरेले बैठकको कार्यसूचीमा समावेश गरिएको प्रधानमन्त्रीसँगको प्रश्नोत्तर कार्यक्रम हटाइएको जानकारी गराएका छन् ।

    विरोधको कारण भने सांसदहरूले स्पष्ट रूपमा सार्वजनिक गरेका छैनन् ।

    प्रतिक्रिया दिनुहोस्
    images
    images