विश्व खबर 
काठमाडौं– सत्तारुढ नेपाली कांग्रेसले केन्द्रीय कार्यसमितिको आकस्मिक बैठक आह्वान गरेको छ ।
पार्टीका मुख्यसचिव कृष्णप्रसाद पौडेलका अनुसार बैठक भोलि (बुधबार) बिहान ८ः३० बजे पार्टीको केन्द्रीय कार्यालय सानेपामा बस्नेछ ।
यसअघि बैठक आगामी असार १५ गतेका लागि तय गरिएको भए पनि अचानक भोलि नै बैठक बस्ने निर्णय गरिएको छ ।
यही कारण बैठकलाई आकस्मिक भनिएको मुख्यसचिव पौडेलले स्पष्ट पारे ।
यसका साथै भिजिट भिसा प्रकरणलाई लिएर संसद्को गतिरोध कायम रहेपछि कांग्रेसले आकस्मिक बैठक बोलाएकोे छ ।
बैठकमा यसबारे पनि छलफल हुने बताइएको छ ।
प्रतिक्रिया दिनुहोस्