विश्व खबर 
काठमाडौं– दुई घण्टा ढिला सुरु भएको प्रतिनिधिसभा बैठक विपक्षी रास्वपा र राप्रपा लगायतका दलहरूले अवरोध कायम राखेका छन् ।
नयाँबानेश्वरस्थित संसद् भवनमा आज (आइतबार) बिहान ११ बजे बोलाइएको बैठक तोकिएको समयभन्दा करिब दुई घण्टा ढिलो गरी सुरु भएको छ ।
संसद्को गतिरोध अन्त्य गर्न सभामुख देवराज घिमिरेले आज प्रमुख सचेतकहरूको बैठक आह्वान गरेका थिए ।
तर, राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा)ले आफ्ना अडान परिवर्तन नगरेपछि सहमति जुट्न सकेन ।
बैठक सुरु भएपछि पनि रास्वपा र राप्रपाले सदनमा नाराबाजी गर्दै अवरोध जारी राखेका छन् ।
संसद्मा विपक्षीको अवरोधका बावजुत सत्तारूढ एमाले पुष्ठभूमिका सभामुख घिमिरेले बैठक अघि बढाएका छन् । रास्वपा र राप्रपाले नाराबाजी गरिरहेका छन् ।
प्रतिक्रिया दिनुहोस्