images
images
  • टिआरसी सम्बन्धी दुई आयोग अध्यक्षका लागि महेश थापा र लिलादेवी गड्तौला सिफारिस

    काठमाडौँ । सङ्क्रमणकालीन न्याय सम्बन्धी दुई आयोगका लागि नाम सिफारिस गर्न गठन भएको पदाधिकारी सिफारिस समिति (सर्च कमिटी) ले दुई आयोगको पदाधिकारी सिफारिस गर्ने निर्णय गरेको छ ।

    आइतबार बेसको सर्च कमिटीको बैठकले सत्य निरुपण तथा मेलमिलाप आयोगमा उच्च अदालतका पूर्वन्यायाधीश महेश थापा र बेपत्ता छानबिन आयोगमा पूर्व मुख्यसचिव लिलादेवी गड्तौलाको नाम सिफारिस गर्ने निर्णय गरेको हो ।

    थापा र गड्तौलासहित ८ सदस्यको नाम पनि सफारिस गर्ने निर्णय गरेको स्रोतको भनाइ छ । सिफारिस समितिका प्रवक्ता लिली थापाले निर्णय भएपनि नामहरु मन्त्रालयलाई बुझाउने क्रममा रहेकाले अहिले नै नाम सार्वजनिक गर्न नमिल्ने बताइन् ।

    यसअघि आयोगले आयोगको पदाधिकारीका लागि मागेको निवेदनमा १११ जनाले आवेदन दिएका थिए । त्यसमध्ये ३४ जना सर्ट लिस्टमा परेका थिए । ती मध्येबाट १० जना आयोग पदाधिकारी सिफारिस भएका हुन् ।

    प्रतिक्रिया दिनुहोस्
    images
    images