काठमाडौं । नागरिक उन्मुक्ति पार्टी (नाउपा)का संस्थापक अध्यक्ष रेशम चौधरी पक्राउ परेका छन् ।
उनी आज (बुधबार) बिहान ११ बजे जनमत र नाउपाको पार्टी एकता कार्यस्थल नेपाल प्रज्ञा भवन परिसरबाट पक्राउ परेका हुन् ।
जनमत र नाउपाको पार्टी एकता घोषणा कार्यक्रमका लागि त्यहाँ पुगेका रेशमलाई पक्राउ गरेको प्रहरी स्रोतले बताएको छ ।
उनलाई प्रहरीले नियन्त्रणमा लिएर डिल्लीबजार कारागार पुर्याएका छ । तर, पक्राउबारे कारण खुल्न सकेको छैन ।
रेशम पक्राउ पर्दा कार्यस्थलमा पुगेका नेता–कार्यकर्ताले प्रतिवाद गरेनन् ।
तर, यसअघि रास्वपाका सभापति रवि लामिछाने पक्राउ पर्दा उनका कार्यकर्ताले प्रहरीसँग प्रतिवादमा उत्रिएका थिए ।
टीकापुर काण्डका प्रमुख आरोपी रेशम राष्ट्रपतिबाट कैद मिनाहा गरिदिएपछि २०८० जेठ १५ गते जेलमुक्त भएका थिए ।
प्रतिक्रिया दिनुहोस्























