विश्व खबर 
सुन तस्करी मुद्दामा पक्राउ परेकी कन्नड अभिनेत्री रान्या रावले राजस्व गुप्तचर निर्देशनालय (डीआरआई) का अधिकारीहरूले आफूलाई कुटपिट गरेको र भोकै राखेको आरोप लगाएकी छन्।
रान्याले डीआरआईका अतिरिक्त महानिर्देशकलाई पत्र लेख्दै आफू निर्दोष रहेको जिकिर गर्दै आफूलाई झूटो मुद्दामा फसाइएको दाबी गरेकी छन्।
रान्याले लेखेकी छन्- डीआरआई अधिकारीहरूले मलाई खाली पानाहरूमा हस्ताक्षर गर्न दबाब दिइरहेका थिए। मैले अस्वीकार गर्दा मलाई १०-१५ थप्पड हाने। मलाई धेरै दबाब दिइयो र त्यसपछि मलाई ५०-६० टाइप गरिएका र ४० खाली पृष्ठमा हस्ताक्षर गर्न लगाइयो।
दुबईबाट फर्कने क्रममा १४ किलो सुनसहित रान्यालाई मार्च ३ मा बेंगलुरुको केम्पेगौडा अन्तर्राष्ट्रिय विमानस्थलबाट डीआरआईले पक्राउ गरेको थियो। रान्या १४ दिनको न्यायिक हिरासतमा छिन्।
प्रतिक्रिया दिनुहोस्
