विश्व खबर 
काठमाडौं – रुकुमपूर्वको पुथाउत्तरगंगा गाउँपालिका वडा नम्बर २ को अध्यक्षमा नेकपा माओवादी केन्द्रका उम्मेदवार जगत घर्ती निर्विरोध निर्वाचित भएका छन् ।
कांग्रेस-एमालेको गठबन्धनबाट नेकपा एमालेका उम्मेदवार जीवन रोकाले उम्मेदवारी फिर्ता लिएपछि माओवादी केन्द्रका जगत घर्ती निर्विरोध भएका हुन् ।
गत निर्वाचनमा पनि वडा नम्बर २ एमाले र कांग्रेसले गठबन्धन गरेर चुनाव लडेका थिए । तर माओवादी केन्द्रका उम्मेदवार जसबहादुर शिर्पालीले गठबन्धनका उम्मेदवारलाई पराजित गर्दै एकल विजय हासिल गरेका थिए ।
गत निर्वाचनमा गाउँपालिकाको उपाध्यक्ष पदमा विजयी भएकी माओवादी केन्द्रकी भुपेन्द्रा बुढा र वडा नम्बर २ का अध्यक्ष माओवादी केन्द्रकै जसबहादुर शिर्पालीको बागलुङमा भएको सवारी दुर्घटनामा निधन भएपछि त्याहाँ उपनिर्वाचन हुन लागेको हो ।
उपाध्यक्षको लागि मंसिर १६ गते मतदान हुनेछ । उपाध्यक्षमा उम्मेदवारी दिएकी एकीकृत समाजवादीकी उम्मेदवार सुनिता बुढाले उम्मेदवारी फिर्ता लिएपछि त्याहाँ माओवादी केन्द्रकी उम्मेदवार नरपुरा बुढा र कांग्रेसको चुनाव चिह्नबाट एमालेकी केशकुमारी तुलाचनबीच मात्रै प्रतिस्पर्धा हुँदैछ ।
प्रतिक्रिया दिनुहोस्