विश्व खबर 
काठमाडौँ । नेपालमा सुनको भाउले एक लाख ६२ हजार रुपैयाँ नाघेको छ ।
स्थानीय बजारमा बिहीवार सुनको मूल्य तोलामा रु ६०० ले वृद्धि भइ १ लाख ६२ हजार ४०० रुपैयाँ पुगेको छ । यो नेपालको इतिहासमा अहिलेसम्मकै उच्च मूल्य हो ।
नेपाल सुनचाँदी व्यवसायी महासङ्घका अनुसार छापावाला सुन गत असोज ३० गते एक लाख ६१ हजार आठ सयमा कारोबार भएकामा कात्तिक १ गते भने रु एक लाख ६२ हजार चार सय निर्धारण भएको छ ।
चाँदीको मूल्य भने आज स्थिर रहेको छ । चाँदी प्रतितोला रु एक हजार नौ सय ५० मा कारोबार भइरहेको महासंघले जनाएको छ ।
नेपाली बजारमा सुनको मूल्य दुई लाख रुपैयाँसम्म पुग्ने अनुमान गरिएको छ । सुनको मूल्य बढ्दा सुनपसलहरु सुनसान छन् भने महिलाहरु नक्कली गहनाप्रति आकर्षित भइरहेका छन् ।
प्रतिक्रिया दिनुहोस्