विश्व खबर 
काठमाडौं- स्थानीय बजारमा सुनको मूल्य एक सातामा दुई हजार रुपैयाँ घटेर कारोबार भएको छ ।
महिनाको पहिलो दिन असार १ गते एक लाख ११ हजार ८०० रुपैयाँमा कारोबार भएको सुन आज एक लाख नौ हजार ८०० रुपैयाँमा कारोबार भएको छ ।
त्यस्तै, बिहीबारको तुलनामा सुनको मूल्य ७०० रुपैयाँ घटेर कारोबार भएको छ । बिहीबार छापावाल सुन प्रतितोला एक लाख १० हजार ५०० रुपैयाँमा कारोबार भएको थियो ।
एक सातामा चाँदीको मूल्य ९० रुपैयाँ घटेर कारोबार भएको छ । असार १ गते प्रतितोला एक हजार ४४५ रुपैयाँमा कारोबार भएको चाँदी आज एक हजार ३३५ रुपैयाँमा करोबार भएको नेपाल सुनचाँदी व्यवसायी महासंघले जनाएको छ ।
बिहीबारको तुलनामा चाँदी २५ रुपैयाँ घटेर कारोबार भएको छ । चाँदी बिहीबार प्रतितोला एक हजार ३६० रुपैयाँमा कारोबार भएको थियो ।
आज तेजाबी सुन प्रतितोला एक लाख नौ हजार ३०० रुपैयाँमा कारोबार भएको छ ।
प्रतिक्रिया दिनुहोस्
