विश्व खबर 
काठमाडौं- सशस्त्र प्रहरी बलका सहायक हवल्दार (घुमुवा) जितेन्द्र सहनी कारबाहीमा परेका छन् ।
उनलाई सशस्त्र प्रहरी कर्मचारीको आचरण बिपरीत बिरगंज नगरपालिकाको बसपार्क इलाकामा गई स्थानीय ब्यापारीसँग झगडा गरी सशस्त्र प्रहरी र नेपालको प्रतिष्ठामा आँच आउने कार्य गरेको भन्दै सशस्त्र प्रहरी नियमावली २०७२ बमोजिम नेपाल नेंपाल नं. २ छिन्नमस्ता बाहिनी मूख्यालय महोत्तरीबाट निलम्बन गरिएको हो ।
यसअघि बैशाख २३ गते शनिबार बिरगंज बसपार्कमा व्यापारीहरूसंग रकम उठाउन गएपछि बिबादको क्रममा स्थानीय व्यापारीहरूले कुटपिट गरेका थिए ।
सहायक हवल्दार सहनी बारम्बार यस्तै बिबादमा परिरहन्छन । यसअघि पर्सामा उनी लामो समयदेखि घुमुवाको रूपमा परिचालन हुदै आएका थिए । त्यतिबेला देखि नै उनी बिबादित थिए ।
झण्डै दुई महिना अघि भट्टीमा आइजिपी र गणपतिको नाम लिदै विभिन्न कुरा गरेको भिडियो सार्वजनिक भए पछि महोत्तरी बाहिनीमा तानिएका सहनी कहिले बाबु बिरामी भएर त कहिले कुनै बाहनामा बिदामा घर पर्सा आएर, यस्तै उठन्तीमा सक्रिय रहेको समाचार पनि सार्वजनिक भएका थिए ।
