विश्व खबर 
१४ फागुन, वीरगञ्ज । बाराको देवताल गाउँपालिकाको कार्यालय नयाँ भवनमा सरेको छ । हाल गाउँपालिका कार्यालय रहेको भवन सेवा प्रवाहका लागि साँघुरो भएपछि नयाँ भवन बनाइएको देवताल गाउँपालिकाका अध्यक्ष चन्दन सिंहले जानकारी दिए ।
उनका अनुसार गाउँपालिकाको प्रशासनिक भवन तथा कम्पाउन्ड वाल निर्माणका लागि दुईवटा उपभोक्ता समितिले काम गरेको छ । भवन निर्माण उपभोक्ता समितिले ८३ लाख ३८ हजार ८ सय ८२ रुपैयाँ र कम्पाउन्ड वाल तथा शौचालय निर्माण उपभोक्ता समितिले २९ लाख ४५ हजार रुपैयाँ रकम बुझेका छन् । भवन, शौचालय तथा कम्पाउन्ड वालको काम २०७५–०७६ देखि नै सुरु भएको र १ करोड ४० लाख रुपैयाँ जति खर्च भएको गाउँपालिका अध्यक्षका स्वकीय सचिव अब्बास मियाँले जानकारी दिए ।
प्रतिक्रिया दिनुहोस्